Plantun de Prouvènço

Pèr coumpara dos planto d'encò nostre

Medicago coronata & Picea glauca

Medicago coronata

Fabaceae Leguminosae

Noms en français : Luzerne à gousses en couronne, Luzerne couronnée.

Descripcioun :
Aquesto pichoto luserno trachis dins li tepiero roucaiouso e li baus caud. La planto èi bourrihudo d'en pertout emé d'estipulo gaire prefoundo. Li flour, pièi li fru soun pourta pèr de long pecou bèn mai long que la fueio d'à coustat. Se recounèis peréu à si dòusso en courouno eisado de destria (viron sus 1 à 3 tour, emé d'espino croucudo -fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Medicago
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero roucaiouso - Roucaio - Baus - Garrigo
Estànci : Termoumediterran à Subremediterran
Couroulougi : Estenoumediterrano
Ref. sc. : Medicago coronata (L.) Bartal., 1776

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.